تعالوا نسأل بعضنا
إحنا ليه بنحب مصر؟
هى أم الدنيا ليه ؟
ليه معشوقة كل عصر؟
ليه بنعشق ترابها ؟
ليه بنحب نيلها ؟
واللى يشرب ميته
يرجع يجيلها
علشان هى الكنانه ؟
ولا عشان هى الحضاره؟
هى صحيح أول معلم ؟
علمت الدنيا المهاره؟
عرفت الناس الاستناره؟
ولا علشان الكتابه؟
وفن العماره؟
عشان أهلها عرفوا الزراعه؟
ولا عشان بدعوا الصناعه؟
ولا عشان عاشقه للتدين؟
وعارفه ربها من البدايه
وليها فى التوحيد حكايه
أول جيوش الدنيا جيشها
والكتابه تشهد لريشها
أول من ركبت بحور
أول من خلت الدنيا نور
عرفتوا ليه بنحب مصر؟
هى عروسة البحور
هى سلطانة كل قصر
هى دى مصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.