شعور واحسااس..بقلم راامز عيد..

شعور و احساس

يا مغلغلة بالحس و شعوري رفض
فكر الوعي عاللمس بالنظرة ابتعد
من كتر ما تعّندت ابعد عالاكيد
الاحساس فيي ناح عالفرقة اجتهد

جمرة غيابك حرق صعدان النهيد
نار و لٰوٰع وهّاج بضلوعي انوقد
فكرة بعادك شوق بتذّوب حديد
طيف الهوى حرّاق بالسهوة قعد

عايش صراع الذات وجدان الوحيد
اقبل و ارفض ليش بالغفلة نوجد
الاحساس ممكن، لاء ،يتغير عنيد
غيرة و قهر عالبعد بالحرقة ومض

فضّلت كونك رب بالأوج و حضيض
روح الهوى صليك بالحس انعبد
لاعين يوم تشوف هالحب الرغيد
تبقى بروح الشهد جواة القلوب
قونة بحس الحس تبقى للابد

رامز عيد
٢١/٠٧/٢٠١٦