الجمال بقلم الأستاذ صبري على

(1)
قتلنى مرّة ' بجماله ' ... سيد الملاح .!
فوق الجببن بدر , و ع الخدود تفّاح .!
قريت كتير ع الجمال لكنّى معرفتش ..
إنّ الجمال أصلا ' ممكن يكون سفّاح .!
(2)
قال لى: جيّ النهاردة ' ولّعت له شمعة ..
وقطفت له وردة ' زارعها من جمعة ..
ولمّا الوقت راح ' لا جه, و لا اتكلمّ ..
الصبح لقيتنى سارح, وع الخدود دمعة .
(3)
لمحته' ف المغربية' ... كان بيتسوّق ..
مخلوق' خفيف الروح , وجماله متزوّق ..
عنيّة صادفت عيونه, لمحت فيهم سؤال ..
جاوبته 'بعنيّة برده , وقلت : " متشوّق " .
(4)
جماله' شاغل عنيّة, وفاتنى متحيّر ..
معرفش إيه ثابت?, وإيه بيتغيّر .?!
ثبّت عينى عليه' لقيت جماله زاد .!
مرضيتش أحرّكها ' لمشاعره تتغيّر .