عم احمد...بقلمصبري ابو طاالب..

عم أحمد...إلى والدى الغالى أطيب قلب فى الدنيا ربنا يشفيك ويعافيك ويبارك فى عمرك
---------ويرجعك لينا بالسلامة...كل عام وانتم بخير..تحياتى القلبية للجميع
طولت الغيبة يا عم أحمد...
يشفيك المولى يا عم أحمد
يا واحشنا كدا بالأوى خالص
وواحش جورى وجنات وأحمد
الميه لسا فى كوبايتك
والسبحة بتاعتك فى عبايتك
قُفطانك فوق الشماعة
بينادى المنديل والساعة
عن أطيب واحد فى الدنيا

بيقولوا وبيحكوا حكايتك
جايين أولادك وأحفادك
وجيرانك سابقين أحبابك
وبيدعوا يا رب تعود لينا
وتنور تانى وسطينا
ميت ألف سلامة يا عم أحمد
رمضان من غيرك لا جديد
والعيد فى بعادك مش عيد
الضحكة بيرسمها الوش
وزعلنا معشش فى القلب
والفرحة ركنت على جنب
طول ماانت بعيد ياعم أحمد
بقلم الشاعر /صبرى أبوطالب