رحلة ..بقلم أ.صبرى على

**رحلة..

ف طريقى للغردقة' وانا داخل المطار..
لمحتها, .....لؤلؤة' فى صالة الانتظار .!
عروسة, مزوّقة .!
شفايفها, محندقة ..!
مناخيرها بندقةّ.!
سرحت ف عينيها' دقيقة, و كام ثانية...
تهت فى الأولى ' ودبت فى التانية .!
سمعتها ' بتسأل على رحلة" الشرم"..
من حلاوة عينيها ' قلبى اتفرم فرم..!
جبينها ' طيف مضيء..!
صوتها ' كتير رقيق...
والرمش كمان جريء ...
ركّزت فى التفاصيل....فى طريقى للشبّاك...
فستان أبيض طويل' ملفوف حوالين ملاك.!
قوامها, صولجان..! ' مشيتها, مهرجان..!
حواليها خدم , وحشم , جواري مع غلمان..!
على راسها تاج مشغول' بالولي,والمرجان ..!
سألني : (إسمك إيه).?..
قلت له: (أنا م المعادي)..!
سألني : ( ساكن فين).?
قلت له' تاريخ ميلادى..!
قال : (لو سمحت,الهويّة)...
إدّيته ' كارنيه النادى..!
زعّق وقال: ( البطاقة) ..!
طلّعت كارت الفيزا..!
لمحت ف عينيها فورا..
'طيف ابتسامة' لذيذة.
فقدت الجاذبيّة وانا رايح على الوزن ...
عشان رأيت ف عينيها ..
مسحةاسي مع حزن.
حسّيت بحركة وقلق... '
ناس طالعة, وناس نازلة...
أصوات, بتنادي'على ناس مجهولة..
أبواب اتفتّحت , وابواب مقفولة ...!
*****
فى الطيّارة , صحيت'...
على صوت بيقول: (خلاص)..!
سألت عن لؤلؤة..
عروسة, مزوّقة..
شفايفها' محندقة..
مناخيرها' بندقة...
قالوا : (خلاص نزلت)..
جريت , كما المجنون ' علشان أحصّلها ...
لقيتني نازل "شرم " .....!
والشّنطة .................. فى" الغردقة" ...

صبري على