لما الغدر....سناءأبوطبل

دى غابة من غير بشر
*********
لما الغدر
يسود طباع كل البشر
والقسيه تبقى هيا
الأساس المختصر
والملامه والكلام
والعتاب قبل السلام
يبقى ضعف
وإستسلام
لا أصول ولا إحترام
تبقى غابة
من غير بشر
***********
لما الجرح
خلاص يطيب
يفتحه أقرب قريب
يرجع ينزف من جديد
وكأنه لسه وليد
تبقى إيه
تبقى غابه
من غير بشر
********
لما تنسى
نفسك وذاتك
وتفقد كمان حياتك
وتبنى بعد الدمار
دار ما كان فيها دار
وتحقق أحلام لغيرك
وينكر حتى جميلك
ويفرض عليك عقاب
تبقى إيه
تبقى غابة
من غير بشر
**********
لما تضحك
رغم القسية
بقلوب صافية
ونقيه
ويقبلوك بضحكة صفرا
كلها خسه ونداله
وقلوب سودها يامه
ومكر ويا خيانة
وضاعت فيهم الأمانة
تبقى إيه
تبقى غابة
من غير بشر
**********
لما ترمى السلام
وتلاقى رد مش تمام
من شيخ عامل إمام
وبيوعظ قال بالسلام
تكلمه يغلطك
تفهمه ما يفهمك
وكلامه كله مواعظ
وهو محتاج لواعظ
يفهمه الحلال من الحرام
تبقى إيه
تبقى غابة
من غير بشر
***********
لما تمشى من سكات
وتتمنى ياخدو عزاك
وتفكر بس للحظه
هما إيه كسبانين
من قهرك طول السنين
أكيد منى غيرانين
لأنى أنا بشر
أيوه أنا بشر
فى غابة
من غير بشر
********
#سناءأبوطبل