كأنى باأحبى بالكلمة
ومش لاقى فى ثغرى حرف
وكأنى باشكى من القسمة
وقدرى نسانى هنا عالجرف
وكأنى ماشى باقدامى
بس ماشى كده للخلف
وكأنى باغنى موالى
لكن الغنوة مش طالعة
وكأنى خبت فى التعليم
بس بدأت بالجامعة
وكأنى باجرى الحق رزق
بس الجرى زى الزحف
وكأنى فى منصب الريس
وعالمركب كام ريس
وكأنى باكره حبايبى
وشايف العدو كويس
وكانى لسة ما بلغتش
وشايف الشيبة دى وراثة
ومن الطفولة ما زهقتش
واشخبط فى كل كراسة
وبلعب عسكر وحرامية
وكانى لص بطبعى
وشايف الخلق عساسة
ده لا علم ولا احلام
ده كابوس ما يتشفشى
تنشف مية الانهار
لكن نتيجته متنشافشى
وعجبى
=====رمضان على
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.