انسي يادنيا ......محمود مسعود

انسي يادنيا .........!!
ـــــــــــــــــــــــــــــــــــ
مش كفاية يادنيا 
هو كل البشر عندك أيوب
اسهي عنا يادنيا
يمكن عن عذابك نتوب
يمكن نلاقي الراحة
لو انتي بقيتي مرتاحة
انسينا يادنيا
انسي انك فضاحة
بترضعينا الهم من صغرنا
نكبر ومعانا يكبر همنا
مش خلاص اكتفيتي بقي
مشبعتيش فقر وذل وبهدله
احنا مش ايوب
تعبت في صدورنا القلوب
بناهد فيكي يادنيا
ونعافر مع المكتوب
يمكن الحال يتغير
كفاية بقت حاجة تحير
ليل القسوة صعيب
ولو مرة حبت تغيب
الهموم عننا
يبقي دا شىء عجيب
ـــــــــــــــــــــــــــــــــــــــــــــــــــــــــ
بقلمي / محمود مسعود ( أغنية عامية ) 30/11/2016م