.وطني رح نفرش أرضك بالورد ...ملك الأصفر..

قصيدة بعنوان ....وطني رح نفرش أرضك بالورد ... بقلمي ...
........................
وطني رح نفرش أرضك بالورد وننام ...
ونتغطى بلحاف الهوى الكلو حنان ...
ولما جفن هالعين بينعس وبنام ...
يوقف ع بابو الحب وينطرنا الأمان ...
ولو شعلوا النار بأرضك ما منهابها ...
ومتل ما كانت على ابراهيم رح نخلها...
برد وسلام والرب رح بيطفيها ...
وغير أشر الناس ما بيحترق فيها ...
وطني الصبح فيك عروس مغنجة ...
عم تفتح الأهداب متل بنفسجة ...
وعم ترتوي بالحب من قطر الندى ...
وتشرب المية بكؤوس متلجة ...
ولما الشمس بطل تلمسهل بحنان ...
بيتوهج على خدودا زهور البيلسان ...
ترفع إديها وتتكي ع غصن بان ...
وتناجي ربا من قلبا الكلو إيمان ...
وطني تلالك وسهولك كلا خيرات ...
وعم تزين أنوارك أحلى النجمات ...
وهونة ببلادي الحلوة بتحلا السهرات ...
وفي عنا خضرة ومية وأحلى النبعات ...
ويلا يا أهل بلادي نغني للحب ...
ونخلي الدني كلا بأنوارو تصب ...
تشعشع أضواءو الحلوة تا يجن القلب ...
وتعمر أحلى سهرية مع هالأحباب ...
.................................

ملك الأصفر..