طولي النومة ....اليان سمعان

--=0=--{ طولي النومة }--=0=--

<<<<<<--==0==-->>>>>>>
عم بوسها بشويش حتى
تفيق
---==0==--- يمكن عجبها كتير
 طالت النومة

قومي ياحلوة ماتم فيي
ريق
---==0==--- تغنج بضحكة دلع
 ضحكات مهضومة

يغار الورد يفتح معي
تحقيق
---==0==--- يقلي خدود الحلا
 للورد محسومة

حاج دلع كافي القلب
تشويق
---==0==--- اتمتم حكي وكلمات
 غير مفهومة

تحكي وكنارا يرد استصعب
التفريق
---==0==--- قالت انطرني بس
بدل هدومي

ويفيق وجه القمر مابيلزمو
تزويق
---==0==--- حس بصباحا هيك
 فرجت همومي

تعصر شفافا حكي للخمر
تعتيق
---==0==--- وقهوة صباحي شربت
 بعيون مغرومة

ياحلوتي ياريت هالحلم
مايفيق
---==0==--- بكرى انا راجع
طولي النومة
>>>>>>>*0*<<<<<<<<
الشاعر السوري المهجري
اليان  سمعان