القلب لما يقول .. فهمى_على

القلب لما يقول .. عاشق .. ما يكذبشى 
دقاته فتانة ... تحكى الحقيقة بشوق 
تنده لمعشوقها .. و تسيب معاه كلمة 
احضن اوى روحى ... طير بيا تانى لفوق 
حبك بقى قدرى ... و انا بالقدر راضى 
صاحبت صوت قلبك ... و بنيت معاه احلام
و انا بوحت لك سرى .. يا شمسى .. يا قمرى
و عزفت لك لحنى ... و هربت م الايام
خليك هنا .. جنبى ... و انسى البعاد فيا
يا بسمة فى عنيا .... و حقيقة مش اوهام
كونك بقى كونى ... يا احلا ما فى الكون
طمن غرامى بيك ... يا بكره و امبارح
طبطب على نفسى .. و احضنها ما تسيبهاش
بكره اللى لسه ما جاش ... صدقنى ... مش جارح
#فهمى_على