- أنا درويش بياع طرابيش
- إسألوا عني حسن بيه جاويش
- طرابيشي أنا أباً عن جد
- أكبس طربوشي ما يكبسه حد…
- فين الطلبة فين سي لفندي
- كانت طربوشهم دايما عندي
- ياعمنا درويش الطرابيشي
- ياأبو قلب أبيض منه مفيشي
- إحنا في زمن الوسط الساقط
- وحرب حواجب ويّا ملاقط
- أما الشعر بموس إتجزّ
- أو عرف الديك وكابوريا ورز
- إسمحلي أقولك من نخاشيشي
- إحنا في زمن اللاطرابيشي
- وأنا سمكري أسطى وابور جاز
- عدو الكهربا والبوتجاز
- إكمامي أشمّر بوابير أعمّر
- أصلح فونيا تبخ الجاز
- ياعم السمكري روح شوف حالك
- روح شوف شغلانة تانية أبقالك
- إحنا في زمن اللابوابير
- ربنا يصلح لك أجوالك
- وأنا سقا وقربتي ملهاش زي
- أملاها تسقي ف كل الحي
- عمّال ألف أنا رايح جاي
- وأنادي ياولادي ياأهل الحي
- محدش عايز يملا القُلّة
- أو إبريق أو حتى الدلّة
- ياعم السقا يامنت حدُقّة
- المية بتطلع لنا في الشقة
- أصبر حبة نشوف أثيوبيا
- يمكن نحتاج بكرة السقا
- بقلم طارق السيد
جريدة رواد الغد الثقافيه رئيسا مجلس الادارة م/علاء العجمي أ/نداء الرؤح
الأحد، 11 ديسمبر 2016
صوت من الماضي .. بقلم الشاعر المبدع : طارق السيد
الاشتراك في:
تعليقات الرسالة (Atom)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.