// حديقة الحروف //
.................................،
كلام مولود على إيديكي
حروفه كلها ليكي
ولو جالك ألف عليه همزة
خديه معاكي يوديكي
على جنة رسمتها لعينيكي
تلاقي الباء بتتشكل بقى بيكي
وحرف الواو يضم إيديا في إيديكي
وحرف السين جريح مسكين
قاعد مستني جنب الميم
بيشاورم يبانوا ازاي قدامك
ويبقوا ليكي خدامك
وحرف الكاف كاتب ع الباب
كفاية إن إنتي جيالنا
وحرف الراء راسم معاكي أحلامنا
وحرف العين عاوز صورة مع قلبين
وحرف الطاء بطبطبلك على الخدين
وحرف النون بيحكي ويتحاكي بأحلى عيون
وحرف الفاء كمان مفتون
أنا عارف كلامك عني أكيد مجنون
لو الهاء هتشكي لك
وانا سهران بغني لك
وحرف الياء دا يحكي لك
حروفي ازاي قبل ما أجيلك
دا حرف الحاء طلع من الحب
دخل في الجرح
مسح شكله من ليالي الفرح
يا دوبك انهاردة بس بدأ يضحك
لما حس حنانك
رسم حلمة في فجر زمانك..............
أخد من الدال دلّاية شغلها عشانك
وجبلك حتى حرف الصاد يصوصولك
صوصوة عصافير مع تسبيلة
..طلب من الغين تجيب للعين تكحيلة
وبقولوا بقى للشين دا دي حيلة
دي شيلالي همومي سنين شيلة
عشان قلبك النهاردة بس حروفي جميلة.
...............
بقلم/محمود فرج
.................................،
كلام مولود على إيديكي
حروفه كلها ليكي
ولو جالك ألف عليه همزة
خديه معاكي يوديكي
على جنة رسمتها لعينيكي
تلاقي الباء بتتشكل بقى بيكي
وحرف الواو يضم إيديا في إيديكي
وحرف السين جريح مسكين
قاعد مستني جنب الميم
بيشاورم يبانوا ازاي قدامك
ويبقوا ليكي خدامك
وحرف الكاف كاتب ع الباب
كفاية إن إنتي جيالنا
وحرف الراء راسم معاكي أحلامنا
وحرف العين عاوز صورة مع قلبين
وحرف الطاء بطبطبلك على الخدين
وحرف النون بيحكي ويتحاكي بأحلى عيون
وحرف الفاء كمان مفتون
أنا عارف كلامك عني أكيد مجنون
لو الهاء هتشكي لك
وانا سهران بغني لك
وحرف الياء دا يحكي لك
حروفي ازاي قبل ما أجيلك
دا حرف الحاء طلع من الحب
دخل في الجرح
مسح شكله من ليالي الفرح
يا دوبك انهاردة بس بدأ يضحك
لما حس حنانك
رسم حلمة في فجر زمانك..............
أخد من الدال دلّاية شغلها عشانك
وجبلك حتى حرف الصاد يصوصولك
صوصوة عصافير مع تسبيلة
..طلب من الغين تجيب للعين تكحيلة
وبقولوا بقى للشين دا دي حيلة
دي شيلالي همومي سنين شيلة
عشان قلبك النهاردة بس حروفي جميلة.
...............
بقلم/محمود فرج
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.