شوفت الصبيه.....شيماء خليفه

شعر عامى بعنوان ( شوفت الصبيه) 
يا بوى على العشق
لما يدق القلب طوالى
انا شوفت الصبيه واقفه
خطفت قلبى طوالى
قولتلها يا بنت الناس
اه لو تعرفى حالى
قالت مالعشق بان
عليا والحب غنالى
حبيتك يا ابن بلدى
وجاوب عن سؤالى
عشقت القلب ولا
رد بفرحته وقالى
عشقتك وشاف القمر
على الخد موالى
عنيكى يا حلوة قالت
حكاوى ما جات على بالى
قالتلى يا روح الروح
ملكتنى وانت ولا دارى
ورقصت نجوم الليل
على الطبله وخلخالى
ودقة رجول الخيل
بالرقص تحلالى
قربك يا نور العين
شغلى كل احوالى
هنيالى قربك يا قمر
لحسن الرمش ودانى
وعشت اليالى هنيه
لانك صبحتى علشانى
*******************
بقلمى شيماء خليفه