لمن تبكي العيون... بقلم الشااعر احمد اسمااعيل..

لمن تبكى العيون ؟؟؟
ياعيونى ليه بتبكى دمع نازل ع الخدود
مين هايسمع لما تشكى حزنى فاق كل الحدود
ياعيونى اوعى تحكى ودارى دمعك م الحسود
وفرى دمعك شويه ده الحبيب فاتك وراح
صدمه كانت صعبه ليا صدمه جددت الجراح
قلبى مش حمل ألاسيه قلبى فيه طيبه وسماح
كل دمعه فيها نار والحبيب مش دارى بينا
وانتى تبكى ليل نهار حتى زمنى جار علينا
والحب قدرى مش اختيار بالدموع احنا ارتوينا
والبكاء مش راح يفيدنا ولا هايرجع حبيبك
حبه كان ساكن وريدنا كان لدمعك ده طبيبك
لو رجوعه كان بأيدنا كان رجع طفى لهيبك
ياعيون الدمع غالى كل دمعه وفيها شوق
دمعه تحيى لى امالى دمعه تصعد بينا فوق
دمعه مسكنها فى بالى دمعه تسكن فى العروق
مهما تبكى مش هايسمع هو قرر الابتعاد
صدقينى مش هايرجع قلبه واخد ع العناد
لو الزمان مابينا يجمع والصدفه خيرا من ميعاد
شعر احمد اسماعيل / شاعر العرب