وحيجيله آوان ....بقلم ..أ. محمود مسعود

وحيجيله آوان .........!!!
ــــــــــــــــــــــــــــــــــــــــ
ارفع صوت الآذان
جلجل بالتكبير المكان
سمع أل صهيون
الله أكبر عللي كان
متشحطط في كل مكان
هما ناسين ومش عارفين
الأرض طهور
المسجد مش سور
وآذانا جسور
عايش في النور
وحيفضل صوت الآذان
في كل مكان
رغم النفاق
والابن العاق
اللي يشجعهم علي النعاق
الله أكبر بترهبهم
والشهادة بتكهربهم
حي علي الصلاة
بتأرق نومهم
عارفين المارد
ودا شيء وارد
في يوم حيصحي
ويصحح الأوضاع
ويرجع اللي ضاع
في زمن السبات
م العصر اللي فات
ارفع آذانك ميهمكش
خنازير بتصرخ ميخوفكش
نباح كلاب
في أزهي عصورها
وبإذن الله
الله أكبر حتدمرها
وعد ومكتوب
ودا مش مكذوب
ذكره القرآن
اصحي يا إنسان
دا وعد إلهي
وحيجيله آوان
ـــــــــــــــــــــــــــــــــــــــــــــــــــــــــــ
بقلمي / محمود مسعود ( عامي ) 20/11/2016م