حب جديد....بقلم طاارق عطية..

حب جديد

أنا لو مشيت رحت لبعيد
متطمنة

اشتقت للحب الجديد
مش بس أنا

حسه بأحلامي شايفة
السكة ماهيش طويلة

مش حنكر إني خايفة
ماهو أنا مش ألف ليلة.

مش خايفة من. الإحساس
مش خايفة غير من الناس
لتكون مرارة الكأس
نصيب مكتوب.. لنا

أنا حمشي ومش حخاف
خللي اللي... يقول يقول

إن كان حلم أو شاف
برضه حيصبح عزول

أنا واثقة في نفسي إني
شايلة في قلبي الأمانة

يمكن حبيت. لكني
مش حتحمل إهانة

قلبي بيقولوا .......أعيش
وإن غاب يوم متخافيش
الحب.. ما بيتنسيش
ما تشيلينيش حمول

طارق عطية