أناا العااشق....بقلم الشااعر معوض حلمي...

كلمات الشاعر معوض حلمي شاعر عامية
( أنا العاشق )
~~~~~~~~~~~~~

كتب التاريخ عن العشاق .. 
وعلى جبين الزمان سطر ..
وانا العاشق كما عنتر ..
وتمشي خطايا واتعثر ..
وأمد إيديا بترابك اتعطر ..
يالقمة معجونة بالزعتر ..
قلبك وفا نبضك دفا واكتر ..
مين عنكي يتأخر مايتعطر ..
بريحة المسك والعنبر ..
ومين قاسي
وقال إن انا ناسي ..
ياكل إحساسي ..
وانا من ناسك
قمرك ووناسك ..
أصد الصعب لو جالك ..
وانا الناسك ف محرابك
وانا أمامك ودجالك ..
وانا الواعظ كدا أوقات
وانا بتاع التلت ورقات ..
ولو ميت ألف تعلب فات ..
عمري مانسى أفضالك
وتوبي اللي اتغزل من
شالك ..
وانا الحرف اللي نظم
موالك صبا وحجاز ..
وانا الوتر اللي عزف
لحنك وقالوا نشاز ..
وانا النازل نزال قلبك
وعمره مافاز ..
وانا الصعب اللي مش
مفهوم كما الألغاز ..
لكني الماشي ف رحابك
وف ركابك بدون تفكير ..
لا ليا كوم فيكي
ولا عمري كنت أمير ..
وعدى العمر ع الفاضي
وانا راضي .. أنا راضي ..
وانا حارس على بابك
واموت لو أي شئ صابك ..
وانا المطحون ف الأزمة
وصفر شمال مالوش لازمة..
لكن عاشق .. أنا عاشق
أنا صقر السما الباشق ..
على حدودك وتد راشق ..
أنا العاشق .. أنا العاشق ..
~~~~~~~~~~~~~
بقلمي ..
معوض حلمي
منشأة بطاش
تمي الأمديد
دقهلية