يا ماراتون الفضايح بقلم احمد عبد الرحمن

ياماراثون الفضايح سبق صحفي شعر عامي
اه يامراري الطافح 
حط الفلفل والشطة
واعمل من الحبة قبة 
واجري علي المحطة والبس وش الغلبة
واعمل من حادثة رواية واكتب عنوان يشد
قفشوها ويا عشيقها وجوزها واخدها جد
اما الامل
سيبك مافيش غير السطل
سيب الامل هات الخلل
حط الصور وثير فضايح
اه يامراري الطافح
اكتب هباب زود عذاب زود في نسبة الاكتئاب
حسس زبونك باقتراب يوم الحساب
هاقول مافيش حاجات تفرح
هاتقولي مفيش هباب في هباب
هاقولك طب عايزين ايجابية
هاتقولي خف شوية هو هباب في هباب و
دة نظام الراسمالية ولو مش عاجبك انسحاب
الفضيحة بقي ليها سوق..بقي ليها بريق
وكل ماتزيد غرابة مع تاتش من كاتب العصابة
بريقها يلمع ويزيد
وتصبح وجبة دسمة
لكل شهواني وعربيد
والنسبة توزيع كاسح
اه يامراري الطافح
احمد عبد الرحمن