__( حكم الشتا )__
---------------------------------- شعر عامى مصرى ------------------
السنه دى فى الشتا
كل الشجر اللى بيقلع هدمته
ناوى يغير خضرته
بهدوم جديدة فى الربيع
و انا ليه أضيع
طول الشتا
.....
أيه ذنبى أقلع هدمتى
وافضل كدا قدام عيون الخلق
واقفة .. أتكسف
و البرد يلسع جتتى
و عيدانى يكويها المطر
لأ .. والندى
بيدغدغ العود اللى واقف من زمن
.....
عجزت انا
مش عايزة تانى أتفضح
أقلع هدومى وينجرح عندى الحيا
مش ناوية أفرح بالجديد
و لا عايزة أفخر بالورود
لما تزين هدمتى ويا الربيع
.....
دا شئ فظيع
فى البرد أقلع و اتفضح
فى الصيف فى عز الحر ألبس توب كتير
مقلوبة حالتى ليه أنا ..؟
مش ناوية أقلع دى السنة
لازم أشتى فى القديم
ييجى الشتا ونشوف بقى
ييجى الشتا
أهلا وسهلا مرحبا
مش راح أطاوعك يا شتا
.....
و وقفت ناوية العند حالفة أنتصر
هل الشتا
و انا واقفة واعية بانتظر
حكم الشتا
أرفع فى وشه ألف لأ
و ارفضه
.....
و تعبت أيام م السهر والبحلقة
و قلت أقفل عينى لو خمسة بقى
فخدتنى نومة فى العروق
و لاقيت هدومى بتنخلع
و حاولت أمسك بين سنانى
ديول جلاليبى الورق
و صرخت ..ابعد يا شتا
لأ .. عيب كدا
ضاع الصريخ ويا الورق
و الجبهة غرقها العرق
و عيدانى شلتها الجروح
و جدورى غاصت فى الكسوف
ما صعبت ع البرد
انما صعبت عليا كسفتى
.....
و حلفت ما البس فى الربيع
و افضل كدا ضد القدر
......
طلع الورق ويا الورود
دندش جلاليب الشجر
الا أنا لابسه ما فيش فى وسطهم
عضيت فى طينى م الندم
من غيرتى نشفنى الألم
.....
قالوا دى ماتت تنقطع
قالوا دى ماتت تنحرق
حاولت أسحب كلمتى
حاولت البس هدمتى
البلطة عضت همتى
و النار فى علبة فى روس عيدانها
لسانها طالع نفسه ينسف قشرتى
.....
ناديت وصوتى مالوش رنين عند البشر
فاضل ثوانى وانقطع
أنا لسا حية اسمعوا هاثبت لكم
أنا بانقطع
فاضل ثوانى و انحرق
أنا لسا حيه اسمعوا
أنا باتحرق
أنا باتحرق
أنا باتحرق
ما حد سامع صرختى
الا الشجر
واقف يكح من الدخان ..
,,, عاطف رمضان ,,,
---------------------------------- شعر عامى مصرى ------------------
السنه دى فى الشتا
كل الشجر اللى بيقلع هدمته
ناوى يغير خضرته
بهدوم جديدة فى الربيع
و انا ليه أضيع
طول الشتا
.....
أيه ذنبى أقلع هدمتى
وافضل كدا قدام عيون الخلق
واقفة .. أتكسف
و البرد يلسع جتتى
و عيدانى يكويها المطر
لأ .. والندى
بيدغدغ العود اللى واقف من زمن
.....
عجزت انا
مش عايزة تانى أتفضح
أقلع هدومى وينجرح عندى الحيا
مش ناوية أفرح بالجديد
و لا عايزة أفخر بالورود
لما تزين هدمتى ويا الربيع
.....
دا شئ فظيع
فى البرد أقلع و اتفضح
فى الصيف فى عز الحر ألبس توب كتير
مقلوبة حالتى ليه أنا ..؟
مش ناوية أقلع دى السنة
لازم أشتى فى القديم
ييجى الشتا ونشوف بقى
ييجى الشتا
أهلا وسهلا مرحبا
مش راح أطاوعك يا شتا
.....
و وقفت ناوية العند حالفة أنتصر
هل الشتا
و انا واقفة واعية بانتظر
حكم الشتا
أرفع فى وشه ألف لأ
و ارفضه
.....
و تعبت أيام م السهر والبحلقة
و قلت أقفل عينى لو خمسة بقى
فخدتنى نومة فى العروق
و لاقيت هدومى بتنخلع
و حاولت أمسك بين سنانى
ديول جلاليبى الورق
و صرخت ..ابعد يا شتا
لأ .. عيب كدا
ضاع الصريخ ويا الورق
و الجبهة غرقها العرق
و عيدانى شلتها الجروح
و جدورى غاصت فى الكسوف
ما صعبت ع البرد
انما صعبت عليا كسفتى
.....
و حلفت ما البس فى الربيع
و افضل كدا ضد القدر
......
طلع الورق ويا الورود
دندش جلاليب الشجر
الا أنا لابسه ما فيش فى وسطهم
عضيت فى طينى م الندم
من غيرتى نشفنى الألم
.....
قالوا دى ماتت تنقطع
قالوا دى ماتت تنحرق
حاولت أسحب كلمتى
حاولت البس هدمتى
البلطة عضت همتى
و النار فى علبة فى روس عيدانها
لسانها طالع نفسه ينسف قشرتى
.....
ناديت وصوتى مالوش رنين عند البشر
فاضل ثوانى وانقطع
أنا لسا حية اسمعوا هاثبت لكم
أنا بانقطع
فاضل ثوانى و انحرق
أنا لسا حيه اسمعوا
أنا باتحرق
أنا باتحرق
أنا باتحرق
ما حد سامع صرختى
الا الشجر
واقف يكح من الدخان ..
,,, عاطف رمضان ,,,
אהבתי
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.