ياا ريت ياا ضيعتناا..بقلم ميلاد نقولاا..

ياريت يا ضيعتنا...
...
يا ريت يا ضيعتنا بيرجعوا الغياب ...
وترجع عِتاب هاك الدار فرحاني ...
وترجع ليالي العز وينفتحوا بواب...
السكرها الهجر وتعود عمراني ...
وتفرحِ المصطبة بجَمْعِةِ الأحباب ...
وترجعِ لْسهراتها مواويل وغناني ...
منبيوتك المهجورة شو بسمع عِتاب ...
راحوا وطوَّلوا كتير والروح ... حزناني ...
وسطيحة العرزال كل ما قمرها غاب ...
عليها ما حدا سهران بتضل ... زعلاني
والأم الناطرة من إيْد إبنها... جَوَاب ...
غدرها العمر ... على العكاز تعْباني ...
شحِّ النظر بعيونها والشعر مِنْهَا شاب ...
وبعدها عالوعد وعَ ظلم الدهر عتباني ...
بحيطان بيوتنا المهجورة كبر العشاب ...
و خمونة البيت على الهجران ضجراني
عودوا ياهاجرين الأرض وشو حن التراب
لرجوع زنود الشباب ... عَ كروم ملياني ...
يا ضيعتنا مهما بعدنا ... رح نبقى قراب
مش ممكن أنا إنسى ولا الأرض تنساني ...
.........
ميلاد نقولا