(صرخه)
صرخه كبيره ومحمومه
من محليات ويقولوا حكومه
والحكومه والله مظلومه
(رصف الطرق)
والمواسير خاربه ومكتومه
(محليات)
اللى بتعمل من الفسيخ شربات
(الشوارع)
أمى تتدلع فينا وتهشتك
ولما كبرنا وعفينا
شوارعنا اللى بتهشتك
وانا راكب عربيه أو توكتوك
أصرخ من ضهرى وأصبر لأتوتك
ويرشوا الشارع عسل وطحينه
ويزرعوا لينا حفر زينه
كله لجمال المدينه
وكانوا يطفوا الأنوار ليل ويا نهار
للهدوء والسكينه
وناخد تصاريح نفرح ونهيص
بمبانى فى أراضى زراعيه
ورفع أدوار لمبانى هالكه ومبنيه
هيصوا دى ديمقراطيه
ربى يخليكى يابلديه
انت قد المسؤليه
وأنا قاعد عالسكه
أشوف ديمقرطيه بأستك ودكه
وتطفح مجارى
وتدخل لدارى
ولا حد دارى
الحق ياخالى انت كوسه فى البلديه
وأنا راضى
وصاحب الارض راضى
مالك ياقاضى
بالديمقراطيه
دى فلوس فى ايد جهله وبلطجيه
غير الحراميه
صرخه لعمل سد منيع
ضد الفساد وضد الترويع
تسد فتحه تلاقى ميه
من فساد بلطجيه وحراميه
وكله من ميراث سنوات الأزيه
****(محمد المنفلوطى)****
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.