آسف
ــــــــــــــــــــــــــــــــــــــــــ
من قهرت قلبي علي حالي
وقفول نجمي وموالي
في دنيا ما تعرف غير المتعالي
الكداب اللي ما يبقي علي غالي
بقولها وأنا مكسور
حتي لو ماجاش عليا الدور
آسف
علي سنيني اللي راحت
والضحكة اللي غابت
وسط الزحام
علي بكرة اللي ماجاش
ومستنينه يجي قوام
آسف
علي دمعة فرت
للي حاسبنهم عزاز
في الآخر لاقيناهم
ما يسوش مجرد إزاز
أسف
علي كل حاجة رسمتها في خيالي
طلعت كابوس والا كان علي بالي
إن الأماني
مهرها غالي
ما قدر عليه
آسف
ياضحكة طفلي
ياشقاوة ماتت من صغري
رضعت الهم من بدري
آسف آسف ياعمري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي / محمود مسعود (( عامي )) 2/5/2016م
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.