الشاعر المصري / احمد ابراهيم
**************************
فى قصيدة / ( متسألنيش )
*********************
متسألنيش ليه ماشي ومتغرب
**************************
فى قصيدة / ( متسألنيش )
*********************
متسألنيش ليه ماشي ومتغرب
وليه عنك انا بهرّب متسألنيش
زمانك وعد مش مكتوب
فى غربة ليل انا اللى بعيش
متسألينيش عن الصرخه اللى جوايه
بتعلى بصوت ولا سمعتيش
متسألنيش انا الراحل وانا الماشي
على الاشواك وبتجرّح ولا تحسيش
متسألنيش خلاص الحلم بوجودك
ضياع مكتوب وفيه وبعيش
واه يا غربة دوام بسكرة موت
وانا اللى بموت
فى ظلمة ليل ما بتحنيش
لبست الخيش على دروبك
جرّح جسدي
مشيت على جرح ايامي
ومستنّي وراح عمري
وطير مجروح
على غصن الحياة واقف
جناح مكسور
وساقط منه حتى الريش ما بتحسيش
وكل ماقول انا عطشان
جعان شقيان تقولى ما فيش
خلاص ملّيت متسألنيش
سؤالك ليا مش واضح
وانا امبارح عشقت عنيكي واستنيت
امل كداب وباب وراه باب
نهار محظور وانا المبتور
انا حلمي متسألنيش
وانا الضايع هنا املي متسألنيش
لاني رخيص
رخيص ثمني ولا بتحني يوم ليا
انا الخارج ومن كونك
عشان ثمنى معاكى رخيص
عشان ثمني معاكي رخيص
****************************
****************************
بقلم الشاعرالمصري / احمد ابراهيم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.