أنا تعباانة من...بقلم نجوي رستم..

أنا تعبانه م الحرمان
بعيد عني هنا دايما
بعيد عني في كل مكان
برغم انك ف الوريد ساكن
معيشنى معاك ف أمان
بتبعد ليه وليه تايه
وليه عني بقيت غايب
تعبت من العتاب واللوم
زهقت بجد م الأحزان

وليك تانى ترجعني
وقاصد ليه بتوجعني
على كتفك بكيت ياما
ولا أنت حتى سامعني
كأنك من حجر مخلوق
كأنك تشبه الصوان

عشان حبى بقى كفايه
وذنبى نهايته إيه معايه
ياللي عشقك كام حكايه
بخاف منك جفا ونسيان

بتهجرني بشوف الدمع والأهات
ياريت ترجعلي من تانى لكن بـ سُكات

أنا م البعد بتحسر
تعالى أعشقني ما تفكر
ياريت ترجع كما كنا
وراح أعشق هواك أكتر
بلاش القسوة والهجران

نجوي رستم