انسى الهم..بقلم طارق السيد..

إنسى الهم
إنسى الهم هينساك
إفتكره يعيش جواك
إن هاجمك همك يوم
وريله عرض قفاك
ونصيحتي أنا فين ماتكون
هونها ياصاحبي تهون
لا يلف بحبله رقبتك
ويذيد ياكئيب في كآبتك
ليه تعيش عمرك مهموم
ليه تعيش ياجميل مغموم
لو مش راح تنسى الهم
هتلاقي في العسل السم
إفرح وإضحك ياحزين
قوم زقطط وبلاش غم
إضربلك شقلباظين
راح تلقى الهم إتلم
إضحك علي الضحكاية
على أتفه نكتاية
أو غنيلك غنواية
كلماتها خفيفة الدم
وإحمده على ماإدالك
على طول يتغير حالك
تسري النشوة في أوصالك
والفرحة علينا تعم

• بقلم طارق السيد