- #متشوقة
- **************
- أرجع بقى
- متشوقة
- لابسة توب الفرح ليك
- ولنور عينيك متزوقة
- أرجع بقى
- أرجع بلاش البعد نار
- كسر ساعات الأنتظار
- ودوب الحزن ف عينيا
- وصب فرحك بأعتذار
- صدقنى هقبل أعتذارك
- ونظرة بحبك من عينيك
- انا هبقى ليها مصدقة
- ارجع بقى
- أرجع وعيد كل اللى فات
- وامسح دموع الذكريات
- وقوارب الوصل ف حياتنا
- توقف عقارب الساعات
- والوقت يبقى ف حبنا
- واقف وتعبان من الشقى
- ارجع بقى
- ارجع عشان القلب داب
- وحياتى اشبه بالسرباب
- وعذاب حاوطنى ف وحدتى
- بقى تربتى من كوم تراب
- والدنيا ف غيابك كابوس
- شايفاها شبر وضيقة
- ارجع بقى
- ارجع غيابك هدنى
- واوصل بقلبك ودنى
- وازرع حنانك من ودادك
- ولعصمة فؤادك ردنى
- بعدك سهام
- قربك دلال
- أحلام ..امال متحققة
- أرجع بقى
- بعدت ونسيت حبنا
- وماكنش فى اتنين زيينا
- ودعت ومسحت الدموع
- وقلوبنا ساكنيين ف الضلوع
- لكنها بعد الوداع
- بقت صحيح عن بعضها متفرقة
- أرجع بقى
- متشوقة
بقلمى / هانى البوب
2017/6/8
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.