عايزنا نرجع زى زمان
قول للزمان إرجع يازمان
أيام ما حبيتك حب جنان
أيام مابنيت لك بيت
بين الرمش والنينى
ورشيت أرضه
بدموع العيون
يمكن ترق وتبقى حنون
أيامها نسيت نفسى
ودبت فيك كمان
نسيت الحب
وماشفت إلا الهجران
عذبت النفس وكسرت القلب
وما شفت منك نظرة حنان
عايز ترجعنى للى كان
للهجر والحرمان
وتستمتع بالعذاب والهوان
أيام ماشفت منك أى أمان
وكنت أعاتبك
تقولى :دا طبع النسوان
إسود القلب اللى معرفش الحنان
ومبقاش قادر يحب أى إنسان
إتعود بقى ع النسيان
واشرب م الكاس
اللى سقتهولى زمان
بقلم : محمد حجاج
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.