علشان بحبك لازم الغيره
واللي بيقولو ده شاكك ومتسمحلوش
وانه مش واثق فيكي ومترجعلوش
قوليلهم انتو متعرفوش حاجه عن الحب
ومتصديش ومش زنبي انهم محبوش
انا العاشق وانتي الاميره
والعاشق ممكن يخونه تعبيره
وعلشان بحبك لازم الغيره
وبغير عليكي من قرايبك
ومن اصحابك ومن حبايبك
ياللي غيابك ملهوش بديل
وغيرك قلبي حالف ما يشيل
بحبك وغيرتي عليكي اكبر دليل
وبعشق قلبك وقلبي اسيره
وعلشان بحبك لازم الغيره
ياللي لجمالك انحني الورد
بموت فيكي ولمسه ايديكي
تدفيني في عز البرد
لو ع الثقه انا واثق فيكي
غيرتي عشق ولازم احميكي
واطمني من التفكير والحيره
وعلشان بحبك لازم الغيره
قلم # محمد سالم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.