ابطال اكتوبر ..بقلم أ.محمد فتحى

( أبطال أكتوبر )

قبل ما أكتب كلامى
أهدى كل سلامى
مع كامل أحترامى 
للقوات المسلحة المصرية

للجندى اللى قرر
للجندى اللى اتصدر
للجندى اللى حرر
مليون تحية

للجيش المصرى كله
اللى رفض ذله
بحروف ذهبية بقوله
انت مية مية

لكل مقاتل شجاع
اشترى بلده و ما باع
ولا سابها للضياع
فعلا راجل التضحية

اللى كفه نضيف
حطم خط بارليف
حول الرملة نزيف
يستاهل اجمل هدية

اللى فداها بدمه
اللى كل همه
يحرر مصر أمه
فعلا و نعمة التربية

عاشت ابطالنا الأسود
خير اجناد الجنود
اللى بيحموا الحدود
الرجالة الشداد العافية

الرحمة لكل شهيد
راحل او جديد
عند ربه سعيد
روحه مرتاحة مرضية

يعيش جيشنا يعيش
دايما أعظم جيش
بعده فعلا مفيش
ابن مصر البهية

عاش جندى أكتوبر
المقاتل المصرى السوبر
هيفضل شط و بر
عاشت جنودنا القوية

كلمات : محمد فتحى