- منا ساكت بقالى سنين
- وكمان لا هاكل
- وهسد حنكي بقالب طين
- امتى الكلام كان نفعنا
- وشافنا مين سمعنا مين
- احنا فيران فى الجحور
- فوقنا تحلق صقور
- أرض وسما مالكين
- واحنا مانملك غير جحور
- وحقنا مهدور واضح
- قصاد العين
- لو يوم نطلع دماغنا
- ما نشفش بعدها نور
- ولا لينا حق فى الكلام
- ولا احنا بنأدمين
- وصوتنا مهما نرفعه
- مين غيرنا بس هيسمعه
- وحتي لو سمعوك
- يجوا القطط يخدوك
- ومش بعيد يقطعوك
- خليك عايش فى الطين
- دا بره بابك كلاب
- لو سمعوا صوتك
- هيخلوا عيشتك هباب
- اسكت وعيش بالعذاب
- واحمي بيتك م الخراب
- احسن ما تتلقى العقاب
- احسن ما تبقي
- سجين
- الشاعر بلبل عثمان
جريدة رواد الغد الثقافيه رئيسا مجلس الادارة م/علاء العجمي أ/نداء الرؤح
السبت، 24 سبتمبر 2016
وماله هسكت .. بقلم عثمان بلبل
الاشتراك في:
تعليقات الرسالة (Atom)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.