فضفضه
زهقنا كلام وحوار إعلام
وضباب وعذاب وخلاف أحزاب
شوفولكم حل أنا وسطي إنحل
قولتوا جملنا هيطلع نخله
لقينا جملكوا وقع فى الوحلة
قولتوا عسلنا تملي بيحلى
لاقينا عسلكوا بلسع النحلة
عطشان ياخوانا وشغلتي سقا
خنقني الدين وإيجار الشقة
فاتورة النور وفاتورة الغاز
قسط التلاجة مع البوتجاز
ودرس خصوصي لبنتي هناء
وكتاب جبر لأخوها علاء
ودا غير نبر الست رجاء
مرات الأسطى على الحلاق
نفر الجمعية فى واحد منه
تيجى على بابنا وتسأل عنه
أول شهري دا هم كبير
أأقبض راتبي أدييه للغير
أنياب الفقر أهي غرزت فيا
ومصت دمي شوية شوية
وإيد الظلم تقيلة عليا
ياإما أبوسها ياتضرب فيا
لأ مش هبوسها
أنا دمي عايصها
ولسه الضربة
فى ضهري حاسسها
صوابعها معافرة
عروقها ونافرة
مش طايق أشوف
ضحكتها الصفرا
معلش ياناس تقلت عليكوا
فضفضت شوية سلامة عليكو
بقلم طارق السيد
زهقنا كلام وحوار إعلام
وضباب وعذاب وخلاف أحزاب
شوفولكم حل أنا وسطي إنحل
قولتوا جملنا هيطلع نخله
لقينا جملكوا وقع فى الوحلة
قولتوا عسلنا تملي بيحلى
لاقينا عسلكوا بلسع النحلة
عطشان ياخوانا وشغلتي سقا
خنقني الدين وإيجار الشقة
فاتورة النور وفاتورة الغاز
قسط التلاجة مع البوتجاز
ودرس خصوصي لبنتي هناء
وكتاب جبر لأخوها علاء
ودا غير نبر الست رجاء
مرات الأسطى على الحلاق
نفر الجمعية فى واحد منه
تيجى على بابنا وتسأل عنه
أول شهري دا هم كبير
أأقبض راتبي أدييه للغير
أنياب الفقر أهي غرزت فيا
ومصت دمي شوية شوية
وإيد الظلم تقيلة عليا
ياإما أبوسها ياتضرب فيا
لأ مش هبوسها
أنا دمي عايصها
ولسه الضربة
فى ضهري حاسسها
صوابعها معافرة
عروقها ونافرة
مش طايق أشوف
ضحكتها الصفرا
معلش ياناس تقلت عليكوا
فضفضت شوية سلامة عليكو
بقلم طارق السيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.