ايه ذنب الطفل...بقلم وحيد احمد..

ايه ذنب الطفل الوليد 
يموت شهيد
أيه ذنبه يشوف مأسى 
جبار عنيد
ليه طفل يبكى وهو
فى فرحه عيد
واللى روحه طلغت السما
والحكام صابهم العمى
والصوت فى البئر اترمى
واتشلت كل ايد
قله عرب قله جنود؟
قله سلاح قله بارود؟
قله شهامه صابها الجمود؟
ولا الكرامه كلها الدود؟
الحكايه ضمير مات
ياريت يعود
سؤالى للعرب محدود؟
هنقول ايه لو سألنا
رب الوجود؟
ليه سكتنا واتساهلنا
عن كل زود؟
ليه بعدنا عن قرأنا
ونصرنا حبه قرود؟
سبناهم قتلوا اللى منا
واكتفينا نكون شهود
(قاتلوا التى تبغي) ده
كلام ربنا المفروض
يا أهل القران والسنه
ياحكامنا بلاش جمود
ياريت يصحى ضميرنا
ونرجع تانى أسود
-----------------------------------------

• كلمات وحيد احمد