أغاني الطفل...بقلم المهدي العمري..

أغاني الطفل بحكمة و عبرة:الْبَرَاءَة حْكْمُوا عْلِيهَا بْالإِعْدَامْ:
طِفْلْ صْغِيرْ فْ سِيرْكْ يْتْبْسّْمْ وْ يْضْحْكْ فْ سَلاَمْ
فْ الْبْسْمَة بَرَاءَة الْحُبّْ وْ الْحَنَانْ لِيهَا عُنْوَانْ
وْ الزّْمَانْ مَا يْرْحْمْ يْبْلْعْ السِّلْمْ وْ الأَمَانْ
تْبْسّْمْ يَا طِفْلْ وْ شْبْعْ مْنْ الْبْسْمَاتْ
ضْحْكْ وْ رْوِي نْفْسْكْ بْ الضّْحْكَاتْ
تْبَانْ تّْبْسّْمْ وْ تْضْحْكْ لِيكْ بْ بَرَاءَة الْحَيَاةْ
وْ أَشْوَاكْهَا تْغْطِّي وْرُودْهَا وْ الذُّلّْ يْعْلاَ وْ الآهَاتْ
عْنّْقْ الْبْسْمَة وْ الضّْحْكَة عِنَاقْ طْوِيلْ
خُوذْ الْفْرْحْ رْفِيقْ فْ نْهَارْ وْ لِيلْ
الزّْمَانْ يْحِيطْنَا بْ الضِّيقْ وْ أَيَّامُو تْمْلاَنَا بْ الْوِيلْ
تّْشْقّْ يَا طِفْلْ طْرِيقْ بْ الْبَراءَة دِيمَا تْلِيقْ
فْ يُومْ غَادِي تْفِيقْ بْ زْمَانْكْ الْغْدَّارْ تْعِيقْ
تُّوهْ بِينْ الْحُبّْ وْ الْخِيانَة وْ الْغَدْرْ وْ الأَمَانَة
وْ بِينْ الظُّلْمْ وْ الْعَدْلْ وْ فْ تَحْقِيقْ أَحْلاَمْكْ لاَ ضَمَانَة
بْ نَارْ الذُّلّْ تّْحْرْقْ وْ عُمْرْكْ زْمَانْكْ مْنّْكْ يْسْرْقْ
وْ فَجْرْ الآمَالْ يْغْرْقْ وْ شْمْسْهَا عْمّْرْهَا مَا تْشْرْقْ
يَا طِفْلْ يَا بَرِيءْ يَا لِّي عَايْشْ بِينْ الأَوْهَامْ
بَرِيءْ انْتَ الآنْ أَ تْصِيرْ فْ يُومْ غرِيقْ
غَرِيقْ فْ بْحُورْ لْ حْزَانْ تَايْهْ بِينْ الأَدْيَانْ
مْنْ الدِّينْ نْزْعُوا الرّْحْمَة آه جُرْحْ النَّاسْ عْمِيقْ
فِينَا بَشَرْ ظَالْمْ صَارْ عْنْدُو الظُّلْمْ إِدْمَانْ
للفْسَادْ وْ مُتْعَة وْلْذَّة وْ هَوَى أَكْبَرْ عَشِيقْ
للمَالْ يْرْكْعْ وْ يْسْجْدْ رْجّْعْ تَارِيخْ الأَصْنَامْ
فْ طْرِيقْ الْبَنُونْ ضْلّْ فْ الْخِيرْ الطّْرِيقْ.

• ..............................من توقيع/المهدي العمري.