كلمة عرب..بقلم جمال القياس..

(((((( كلمة عرب ))))))))
يعنى ايه كلمة عرب
يعتى حمص يعنى حلب
يعنى سوريا بتتخرب
يعنى السكوت مالى البيوت
يعنى الكرامه بتتنهب
يعنى الدمار عم الديار
اللى مات واللى ذهب
يعنى البساط بينسحب
من تحت أقدام العرب
بكره نصير عبيد حقير
والارض عمرانه دهب
********************
الكل ساعى للرحيل
والحكايه كل ما دا بلتهب
الكل أخرس أبكم وأعمى
وحالنا مليان بالعجب
بدأوا العراق بدأوا بلبيا
فشلوا فى تونس
حاولوا فى مصر
والوقتى سوريا بتنضرب
********************
أمتى نفوق ونبص فوق
قبل البساط ما ينسحب
ونتحد ونعيد زمان
زى زمان نصبح عرب
هيه دى كلمة عرب
شعر العاميه

• الشاعر جمال القياس