فين العاميه بقلم طارق عطيه

فين العامية ؟

فين الفول فين الطعمية
فين شعراء ام العامية

ناصر طاهر فوقللي شوية
عايزين نملي الصفحة دى بيها

حب وشوق وغرام وهيام
والالفاظ ولا في الاحلام

تسمع قطعة تحب تنام
ولا قادر تفهم معانيها

فين ايام بيرم وچاهين
ولا الناس صبحت ناسيين

عارف في ناس متضايقين
بيخافوا منها ومن حكاويها

ناس بتاكلها بملح وخوف
ناس بتقطع لحم خروف

بكرة حتسمع بعده تشوف
مين يحفظها ومين يجاريها

عمك ناجي قال الاطلال
وانا بسمع ريس متقال

رمان صدر الزوجة حلال
للي ساترها واللي انيها

قولوا للخلق كلام مفهوم
مش اول ما يقوم م.النوم

يسمع كاظم مع كلثوم
مع اني بحبها اغانيها

حد بيفطر لحمة ياناس
اضرب نفسي بألف مداس

اورتيجا واوكا ده وسواس
الله يخرب بيت اغانيها

طارق عطية