أحسن حاجة..بقلم محمد المنفلوطي..

أحسن حاجه مضبوطه الساعه الأليكترونيه
والباقي عايز ضبط من الداخليه
ونعين تلت الناس فيها ونجيب رواتبهم من الأفنديه
أصحاب * الهمم اللي عدوا القمم * بدون زمم
من الرشاوى والمحسوبيه
قهاوى كترت وبدون ترخيص
لبانجو وشرب حشيش
وصيدليات برشام لشباب دراويش
مخ سوس وعقل مفيش
وسابوا المنابع والحق ياشاويش
ويطلع الضحيه بتاع ورنيش
وباعه جائلين
داخل مكاتب حكوميه محملين
سمك لبن تمر هندى وطحين
والطرق للمكاتب كلها طين
وأسأل عن نسرين أو نرمين
يقولوا مضوا ومش جايين

جمعه وسبت والحد ييجوا متأخرين
وأنا واقف مهموم وحزين
أقول فلوس الدوله بتروح فين
والله يامديرين انتوا منورين
هو اللى علمهم كده بره ولا سجين
وعلى الرصيف وفى كل حته
تلاقى بوتيك معلق بنطلون وجاكته
حتى فى المحاكم تلاقي ليهم سكه
وبدون تراخيص نفرح ونهيص
بديمقراطية بأستك ودكه

• ****محمد المنفلوطى******