ما تلين يا قلبي..بقلم الشاعر صبري أبوطالب..

ما تلين يا قلبى الحجر...من كلماتى ...إن شاء الله تعجبكم...تحياتى القلبية للجميع
--------------------
ما تلين يا قلبى الحجر
غلطان حبيبك واعتذر
و للا انت ناوى تحيره
وتدوس عليه و تكسره
و فى النهاية تخسره
و بعد منه تنكسر

الجرح لو نار بتهدا
بكلمة حلوة بضحكة
والعين كلامهم بيوصل
فى نظرة واحدة بتختصر

الشك فى الحب إنتحار
و ليل طويل ملوش نهار
يا قلبى فوق وخد القرار
ليضيع حبيبك من إيديك
و تبيع هواه ويهون عليك
ويغيب و متشفهوش عنيك
فى البُعد ميبانلوش أثر

بقلم الشاعر/ صبرى أبوطالب