كان زمان..بقلم الشاعر رضا رضوان

• قصيدة " كان زمـان اللى بيكذب " للشاعر رضا رضوان

كان زمـان اللى بيـكـــدب ... أو بـيـشهـــد مـــــرة زور
يمــشى ميِّت م الكسـوف ... والكلام ده عــليــــــه يدور

والنهــــارده الكدابــــــين ... واللى عــاشــــوا مزوِّرين
يقتلوا فينـا الحقـيــقــــــة ... يظهــروا الكدب المبـــــين

الـمنـــافـــق و الضــلالى ... واللى ما يعــرفـــش دين
واللى بيلـفــق لى تهـمـــة ... دا يــروح من ربــه فــين

اللى باع نفسه وضمـيره ... واللى عامـــل نفســـه بـيـه
واللى يطعن فى الحقيقـة ... يــوم قـيـامتــه هيبــقى إيـه

حتى ما كفـــــاشى شــره ... طـــول حيـــاتـه بالعــــذاب
قال هيخده معاه فى قبره ... ينفعــه يــــــوم الحســاب

ربنــــا سلـــط عليـــــــك ... عقــل من أغـبى العـقــــول
حتى قلبك حقده ظاهــــر ... والجـبــــــــل منـــك يــزول

قال وإيه رايح تصــــلى ... وأنت معجــون بالنفـــــــاق
كل يوم تكدب وتحــــلف ... كـــل مـــــرة بالطــــــــلاق

ربنا يكــرم ســـــيادتـــك ... ويجــــــازيك من نفس فعلك
جثتك ما تـــــلاقى دفنــة ... حتى ينسوا فى يومها شكلك

كـنـت نــاسـى بـإن يــوم ... تــنـــدفـــن تـحـــت الـتـراب
ولا قــاسـى بقلـب جــاحد ... تـعـشــق الدنـيــا الخــــراب

كـمـل اللعــبـــة الغـبـيــة ... واكشـف المســتور يـبـــان
واللى جوا القلب يظهـــر ... قـبــل ما يــفـــــوت الأوان

لسـة فـيـكم شـر تانى ؟ ... هــاتوا تحويشـــة الســنـين
كل ما فيــكم بيظهـــــــــر ... يا زمـــــــن متشـكـــــرين