أمشى ياااد
بقلم .شحات عثمان كاتب و محام
أمشى يااااد من هنا ..
روح أمسكلك كتاب ..
راجع دروسك ومعلوماتك..
ولا شوفلك شغلانه على قد الحال..
شوف بلادك وليلها اللى طال ..
ولا عيالك اللى بقي حالهم حال..
سيبك من فيس وتويتر واستجرام ....
دى برامج متخصصة فى سرقة احلام...
أخترعها شيطان يكسب فلوس وأموال....
وأنت ليل ونهار سكران وعايش اوهام ....
عامل فيها دونجوان ومشهور زى فان دام ...
وناسي إنك فى عالم خيال فى خيال...
لما تجوع وتعطش لازم ترجع لواقع الحال....
يا ترى هتلاقي جنيه فى جيبك من الخيال ...
ولا منتظر مارك بن برج يرميلك كام دولار...
هى الشحاته بقيت ماشية فى الدم والشريان...
همه عارفين يسرقوك بإتقان وشغل تمام التمام.....
أكيد تمام التمام ما همه خدوك
حتى من ربك وفروض الأديان.....
شوف نفسك أنت مسروق ولا سارق بإتقان....
هتفضل لميته يا ولدى مدمن اوهام.....
أصحى وفوق قبل فوات الآوان............
أذان الفجر بتشوفه مره وساكن هناك عند الديان ....
يا ترى كام فجر رايح وأنت فى التوهان ....
شفت العجب فى عالم الأوهام....
كله ببيع حتى اللى قاعده تقول ادينى هديه واديلك عنيه....
شغاله عليك زى الحراميه وانت خروف فى مراعى السبلان ....
(اسمعها مني وخدها نصيحة من انسان بيحاول يكون فهمان )
الاوطان بتنبنى بسواعد وهمم الرجال
مش بالفيس والاستجرام وكام حبة تراماودل وعالم اوهام .
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.