بيمنعوكى تكلمينى بقلم وليد الجوهري

بيمنعوكى تكلمينى
اوحتى اتكلم انا
وانتى بس تسمعيني
معذورين
لو شافو حالى فى بعدى عنك
وازاى بعانى
من كتر ما كلمت القمر عليكى
نسيت اسم القمر وناديته زى ما كنت زمان بناديكى
كل حاجه بعدك انتى اتبدلت حتى الاسامى
سعات بجيلك واقعد معاكى
واضحك ويبان سني
واكون فرحان مع انى
لسايا قاعد فى مكانى
طبعا لو حكيتى ليهم
مش هيصدقوكى
وهيمنعوكى
قوليلهم امنعونى وامنعوه
وابعتو ليه جواب او كلموه
ممكن تقدرو
لكن ياريت يفكرو
ازاى اعيش من غيرك يا روحى
وانا قلبي معاكى
جاتلك رسايلي امبارح
كنت قاعد زى عادتى
ماسك فى ايدى القلم
وقاعد جنب منى صحابي
لكن ماتخفيش انا بس الى كنت معاكى
هما ما قدروش يسمعوكي
اقراي ليهم رسائلي وفهميهم
يمكن رسائلي تكون سبب
ويرحموكي ويرحموني
ويسيبو كل هاوى يعيش هواه
بكفايه انه عايش وحبيبه مش معاه
يمكن ساعتها يقدرو ويبطلو يمنعوكي

وليد الجوهرى