......................فــــــلاح بلـدي
...................**************
أنا أصلي من الريف
.........................لا يشغلني شتا ولاصيف
ولا حتي ربيع وخريف
...........................بحب أنا محترم وشريف
وطموحي ضمير مرتاح ورغيف
............................وأعيش مستور وعفيف
محبش ألفت الأنظار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وأنا فلاح وواد بلدي
.............................وبعشق كل تراب بلدي
وأفديها بروحي مع ولدي
...............................وربي هو لي سندي
وأحب أبقي من الأبرار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وأروح الغيط أنا بدري
.........................وأصاحب قمري فية بدري
ينام الزرع علي حجري
.......................أبوسه ينكسف يجري
.............................وأرويه حب مع شجري
وأسابق الشمس وانا بجري
...............................وأغازل الورد والأزهار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وتبتسم وتضحك العصافير
..........................وتزقزق في السما وتطير
وتروح للرزق في التبكير
...........................وتجيب قش تبني العش
وأنا أتغدي جبنة ومش
.......................................مع لقمة عيش
ناشفة مبلولة
.........................وأعمل شاي علي الراكية
أاحن لقمحي فيه شكلي
........................... وضحكة صافية ويا هزار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وأشوف في الغيط أبو النطيط
.......................و مبحبش أنا شغل التنطيط
وكل حياتي عيشها بسيط
...........................يا ريت نعيش بالتخطيط
ونروي الأرض بالتنقيط
...........................ويضحك النخل والأشجار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وأنام واأنا مرتاح البال
.................................محبش أنا كتر المال
وأبات مظلوم ومش ظالم
..........................وأدعي ربي بصلاح الحال
ويرزقني بحسن ختام
...................................وأرضي ربنا الغفار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بقلمي/ احمد السيد القاضي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.