مش عايز اقلد حد
ولا حابب اكون تكرار
مش عايش حائط صد
ولا حلمى اطلع سمسار
مش زارع ارضي بورد
ولاا حصنع تانى بود
ما خلاااص فرطوا فالارض
على عين كل التجار
وانا مش محتاج للرد !!
ولا فارقه قبول من صد
وما تنطقى حتى هزار
انا اصلا رافض دورك
بالقسوة دي وياا غرورك
أمّ و حُكْمها بالنار
انا رافض اعيش مستنى
كما رافع ايدى متحنّى
ولا عودت حبات متمنّى
م الهزل ده أى عمار
وان كنتى بصحيح امى .
تسيبيني اهاجر وامشي
دا الحال مبقاش ومعدشي
و الدار بقى غير الدار
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.