إحكى ياربابة
عبدالمنعم عدلى ،،مصر
إحكى ياربابة
وقولى غبت عنا ليه
أول كلامى
صلاة على الزين
كحيل العين
سيدنا محمد صل الله عليه وسلم
وتانى كلامى
ومش عارف أبدأ منين
هأشد وتر عودى
وأتكلم وأقول
لفيت بلاد وبلاد
وشفت فيها عجب وعجاب
شفت ناس طاغية
وناس راضية
وناس صابرة
على الجوع والعطش
وناس على الحدود
واقفة ومستنية
سهام الموت
وشفت الأرض
ماشى عليها دود
نبتة حارة
وملهاش جذور
وشفت أكفان
بعلم بلدى
شيله ولدى
وأم تزغرد وتقول
خدوا دمى خدوا ولدى
فداء بلدى
ورحت بعيد وشفت كتير
جثث ملهاش حدود
نايمة على الأرض
من غير علم ولاكفن
والأرض بتبكى
على حال البلد
ومش قادرة
تدم الولد
ورجعت تانى
لبلاد الصبر
أزغرد وأغنى
على وتر الربابة
تحيا ولادك يامصر
صابريين صامديين
على الجوع ومنتصرين
خدوا المال
خدوا الجاه
إلا الأرض
فأهل الأرض
رباطهم عرض
ولايفرقهم دود ولاشرط
ولما إنقطع الوتر
أعود من تانى
وأكمل وألحم كلامى
بالصلاة على خير الأنام
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.