القدس
***********
هلّل .. وكبّر .. ولبّي
القدس قايدة في قلبي
زيتونها قطرة عنينا
وشجرها بيحس بينا
دا الحب من عند ربي ..
***********
هلّل .. وكبّر .. وقول
مهما الطريق راح يطول
مفتاحنا لسه ف ايدينا
والأرض وافقة تنادينا
عارفين معاد الوصول ..
************
هلّل .. ولبّي .. وكبّر
يا قدس .. الله أكبر
مهما الطريق كان بعيد
يا قدس راجعين أكيد
والحق لازم هيظهر ..
************
لبّي .. وكبّر.. وهلّل
كل الأماني هتحصل
وأخد فلسطين ف حضني
واضم إبني .. وأَبني
بكرة السلام راح يصهلل
هلل وكبر ولبي
*************
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.