خطوة أمل...بقلم مراد مصطفى مراد..

&خطوه أمل&
ازاى أنا ينفع فى جثتى جبس
والعضم متكسر...
واضحكلك بتاع ايه
والقلب من جوه موجوع ومتحسر...
وازاى اغير حقيقه
بعد ما حلمى قدام عنيا اتفسر....
يوماتى أنا على حبل متعلق ومغسول
عايش بنقط تعب وفى الشمس بتنشر...
يتقلب يمين وشمال
وفشار على نار بيتفشر.....
عمرى ما ضحكت من الحال
وتملى حزين ومتكشر....
غريبه حياتى الفرح مخاصمنى
وتملى فى ورطه وفى الزنقه بتحشر ..
الحمد لله لسه فيه امل
ومستنى اسمع خبر اضحك معاه واتبشر..
اقول يا غلبان ملكش فيها سك عل الدنيا
موت واستنى آخره ترضى فيها وتتبشر .
بقلم مراد مصطفى مراد