جريدة رواد الغد الثقافيه : هات ياصبر .. بقلم : يحيي المصري

الخميس، 30 يونيو 2016

هات ياصبر .. بقلم : يحيي المصري

((هات ياصبر))
هات ياصبر المــُرّّ هات ...
هات لى كاسك من سُكات...
أبقى راسى فى المواجع...
من آلامى و الآهــَــــات...
هات ياصبر المـُرّ هــــات...
............................
وا ِبقى جنبى فى طريقى..
بالدقايق والساعـــــات...
المبادىء قد تـلاشـَــت...
والتحـَز ُّب فى ساحـــات...
والديابه فى حياتــــــى...
عامله كــُل الترتيبات...
..........................
والصـَراحه واخده راحه...
والمطامــــع إرشــــادات...
والوقاحه ليها ساحـــــــه...
لأ ياصاحبى بل ساحــــات...
والتنازُل بالمئــــــــــــــات...
ع التلااحـُم والعـــــــادات...
..........................
هات ياصبر المـُرّ هات...
هات لى كاسك من سـُكات...
والتـَوَحــُّد فى العـُروبـــــه...
فيها كـُل التعديــــــــــلات...
قلبى صاحى واللا مـــات...
فى زمان التكتيكــــــــات...
فيه ياصاحبى خـُد وهات...
..........................
والأراضى م الزراعــــــه...
صابحه عامله إنشائــات...
والرشاوى د ِى مصالح...
بالتداول والثـَبــــــــــــات...
هات ياصبر المــُرّ هات...
هات لى كاسـَك من ســُكات...
............................
كان زمان النصر بينــــا...
والمـَبادىء نبع فينـــــا...
مين يقول لى ليه ابتلينا...
بسمه خارجه بالآهــات...
هات ياصبر المـُرّ هات ...
هات لى كاسَك من سـُكات...
...........................
نــِفسى نرجع ياعـُروبـَه...
إمتى نصحـَى م الثــُبات...
قلب نبض دم واحـــــد...
آه تــِعــِبنا م الشـَتــات...
آه تعبنا م الشــَتـــــات...
هات ياصبر المــُرّ هات ...
هات لى كاسك من ســُكات...
........................
خواطر الشاعر/
يحيي المصرى
((تحذير))
حقوق الملكيه لدى الشاعر
0

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

الاشتراك في: تعليقات الرسالة (Atom)