- مصر بلدنا
- مصر بلدنا كنيسة ومدنة
- والقديسة ومولد سيدنا
- حبنا ليها زادنا وزوادنا
- إللي بيرضيها ربنا يرضيه
- مصر أصيلة بمعدن فضة
- لون القمر إللي بيتوضى
- ف مية نيلها إللي بتتحدى
- إللي بيشرب منها بترويه
- واللي عليها في يوم يتعدى
- يقول دي عشايا بيه بتتغدى
- بلد مبدأها الصدة بردة
- وتجنح للسلم تعيش فيه
- مصر القطن طويل التيلة
- وعيش مع دقة ولمة عيلة
- في ليلة العيد عاملين هليلة
- إللي بيحضرها بتهنيه
- مصر الدار وحق الجار
- وطبق الفول بالزيت الحار
- والتحويجة من العطار
- للي الطب بيحتار فيه
- مصر بلدنا أم الأبطال
- ياما وياما شالت أحمال
- أحمالها ماتتحملها جبال
- واللي عليها بتأديه
- هي دي مصر أصل وفصل
- وراية نصر زاينها النسر
- إللي بيحمينا ربنا يحميه
- يارب ياعالم بالأحوال
- خفف عن بلدي الأحمال
- إكفيها واغنيها عن أي سؤال
- دي ضي عنيا اللي بشوف بيه
- بقلم طارق السيد
جريدة رواد الغد الثقافيه رئيسا مجلس الادارة م/علاء العجمي أ/نداء الرؤح
الأحد، 26 يونيو 2016
مصر بلدنا .. بقلم : طارق السيد
الاشتراك في:
تعليقات الرسالة (Atom)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.