جريمة كرة القدم...بقلمالمهدي العمري..

جَرِيَمَةْ كُرَةْ الْقَدَمْ:
مَاتْ وْلْدِي مَاتْ
كَانْ بْ الْفْرحَة يْهْتْفْ
يْقُولْ وْ الله وْ يْحْلْفْ
للتِّيرَانْ غْدَّا غَادِي
عْلَى أَرْضْ الله يْشْتْفْ
بْالْكُرَة يْغْنِّي شَادِي
غْدَّا غْدَّا الْمَاتْشْ
الْكُرَة عْلِيهْ رَاضْيَة
وْ هُوَ عْلِيهَا رَاضِي
الْكُرَة الْكُرَة الْكُرَة
لِيهَا رُوحُو وْ قْلْبُو
أَيَّامُو بِهَا مْسْرُورَة
هِيَ عِشْقُو وْ حُبُّو
مْشَى للتِّيرَانْ يْهْتْفْ
يْشْجّْعْ دِيمَا فَرِيقُو
صَارْ التِّيرَانْ يْتّْقْصْفْ
بْ جَوْعَى الْكُرَة الْقْتَّالَة
لْ حُبّْ وْ حَنَانْ مَا يْسِيقُوا
يْصْرْخُوا وْ بَشِعَة الْحَالَة
حَاوْطُوهْ وْ حَاوْطُو ضِيقُو
صَارْ مْخْنُوقْ يْتْفْتْفْ وْ يْقْفْقْفْ
فْ صْدْرُو شَاعْلْ حَرِيقُو
الْحَيَاة مْنُّو تّْنْتْفْ
الْمُوتْ صَارْ صْدِيقُو.
...........................من توقيع/المهدي العمري.