جريدة رواد الغد الثقافيه : فرحة .. بقلم : مي زيادة

الأربعاء، 22 يونيو 2016

فرحة .. بقلم : مي زيادة

#فرحه_fake
مسكت القلم..
قولت ادون همومي
رد وقال..
ياشيخه حرام قومي
دا الحبر بكي.
من شكوا احزاني.
تنهيده الورق
تعاتبني كما الجاني .
انا قولت هكتب فرايحي
اصل الحزن مش لوني. .
رد و قال امحي كلامك ياشابه
متعودتش ع الكدب
ف التوهه وياكي من يومي ..
بعدين معاك يا ترجمان قلبي
بتعافر ليه ..
لجل ما تكشف غمومي .
الفرح دايما ويايا.
ومحلي دنيايا
الشمس نورها ملازمني.
الضحكه طارحه ف سمايا ..
بركان الغلب مهوش ثاير جوايا..
انا بحر السعاده ..
العين ماتجبش مداه.
اكتب كمان اكتب.
عن البسمه وانا ليها مرساه...
ياحمال الهموم اكتب جايز
الحلم يتحقق ف يوم..
انا مغنواتي الربابه.
من كلامي صبحو صبابه
مايعلموش ان انا وقلبي
من الجرح غلابه.
عرفت حكمه ربك.
يديك من عنده الموهبه.
تكتب ديوان السعاده
وتمحي سطور الاحزان.
مسك الختام توقيع
انسان وتاه ف بحر الوجع.
وعايش كما الغلبان ..
#مي_زيادة
#نيمو

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

الاشتراك في: تعليقات الرسالة (Atom)